Tips WhatsApp | Oinsa atu hakerek ho uniku

WhatsApp hanesan aplikasaun ida nebe ohin loron ema hotu nebe iha telemovel uja hanesan meius ba komunikasaun entre kolegas, parseriu, familia, grupu no seluk tan. Iha vida loron - loron ita sempre uja WhatsApp hodi sai hanesan meios atu haruka mensajen ba malu.

Ho nia fitur oin-oin nebe avansadu hanesan: Mensajen testu, halo chamada, video call, no seluk tan, halo ema hotu gosta no prefere liu WhatsApp sai hanesan meius ba komunikasaun hodi troka mensajen nebe iha (default).

Tan ne'e, ONB hakarak fahe ba belun sira, tips oinsa atu dekor textu iha WhatsApp ho uniku, atu nune bele aumenta ita nia utilizasaun ba WhatsApp ho uniku. Tips ne vale ba iha CHAT ho STATUS iha Android no mos karik iha iOS sei iha diferensia kik hanesan opsaun nian, mas seluk hanesan deit. Karik belun balu nebe hatene ona, la presija halo tuir, karik belun balun nebe seidauk hatene, bele aprende hodi halo tuir.

Tips sira nebe mak ONB atu fahe mak hanesan iha kraik ne'e:

Formatu Textu ho Negritu : *Negritu*
Formatu testu ho Italiku : _Italiku_
Formatu testu ho ~~Strikethrough~~ : ~~Strikethrough~~
Muda tipu letra ba iha: monospace

Formatu testu ho NEGRITU

Atu bele muda testu ba iha NEGRITU, uja sinal (*) entre textu nebe ita atu hakerek, ezemplu:

- Semana oin ita ba *Jaco* : Semana oin ita ba Jaco

Formatu testu ho Italiku

Atu bele muda testu ba iha ITALIKU, uja sinal (_) entre textu nebe ita atu hakerek, ezemplu:

- Ama dehan _Atu hare malu didiak_ : Ama dehan Atu hare malu didiak

Formatu testu ho Strikethrough

Atu bele muda testu ba iha ~~Strikethrough~~, uja sinal (~) entre textu nebe ita atu hakerek, ezemplu:

- Folin Dolar foin ddauk: ~Rp. 14.520~ Rp. 14.500 : Folin Dolar foin ddauk: ~~Rp. 14.520~~ Rp. 14.500

Muda tipu letra ba iha Monospace

Atu bele tipu letra ba iha monospace, uja sinal (```) entre textu nebe ita atu hakerek, ezemplu:

- Dilan dehan ```Saudades ne todan tebes```

Ou bele mos uja opsaun

Atu uja opsaun, bele hakerek testu, depois blok testu nebe ita atu muda nia estilu, no hili opsaun nebe iha, hanesan imajen iha kraik ne'e:

Mak ne deit tips kona ba oinsa atu manipula testu ba iha Chat/Status WhatsApp nian. Se karik iha atualizasaun foun, ONB sei atualiza iha blog ne'e. Keta haluha vizita blog ne'e hodi hetan informasaun seluk.