Buka Ita Boot Nia Android Nebe Lakon

Belun Host November 08, 2013 0 Comments

ANDROID,- Dalaruma ba kolega sira nebe uja telemovel Android (SAMSUNG,HTC,SONY,etc) haluha ou lakon, labele paniku, tanba ho ajuda Android Device Manager mais ou menos bele ajuda hodi hetan fali ita boot sira nia telemovel ne'e. Iha aplikasaun oin-oin nebe ita hetan iha Google Play! maibe no fim aplikasaun sira ne'e haruka ita atu selu hodi bele asesu ba sira nia features tomek, i balun fo praju ba tipo gratuita nian, karik praju liu, sira sei dejaktiva aplikasaun ne'e. Tan ne'e la haluha atu bele asesu ba tools Android Device Manager proprio no gratuita oferese husi google rasik hodi nune'e ita la preokupa tan ho limitasaun oin-oin nebe iha.

Android Device Manager fasilita ita atu hetan fali ita nia telemovel nia pojisaun. Fasilidade ne'e aktivu tiha ona iha telemovel android hotu.

Ita hein vizita nia web hodi detekta ita nia telemovel nia pojisaun liu husi link ne'e: https://www.google.com/android/devicemanager.

Wainhira loke link ne'e sei husu autentikasaun liu husi konta gmail nebe ita boot sira uja hodi rejistu ba telemovel refere. Login tiha, hein web loke no hatudu nia konsole hanesan imajen kraik ne'e.

Desvantajen husi fasilidade ne'e mak GPS iha telemovel ne'e tenki moris hodi nune bele hatudu mapa hanesan iha leten ne'e. Maske pojisaun la dun los (mais/menos ho distancia 30 metros pojisaun lolos husi telemovel ne' e), maibe bele ajuda netik ita hodi hatene pojisaun telemovel ne'e iha uma, tasi ibun, eskritoria, nsst.

Fasilidade nebe oferese mak: Lokalijasaun/Mapa, halo toka ba telemovel nebe lakon, hamos dados no blokeia telemovel (maibe presija halo konfigurasaun iha telemovel). FASILIDADE NE'E GRATUITA!

m@n!nh0