Loron diak belun sira! Agora ONB atu fahe ka fo guia ida konaba atu Kria grupu chat privadu uja Openfire, UwAmp & Spark. Guia ne'e ONB atu halo hanesan maneira ida hodi halo komunikasaun liu husi Chat, Calling & Video call rasik (privadu) sem Internet ka komunikasaun interna (Intranet). Informasaun sei sirkula ho seguru, execpto ita loke domain ba iha publiku. Projetu husi www.igniterealtime.org Openfire mak sai hanesan servidor ba chat nian (IM Server). Ne'e hanesan projetu ida hodi prense belun sira nia tempu mamuk.
Rekerimentus:
- Windows 7 ka 10 (32 ou 64 bit)
- UwAmp, mak servidor Wamp nian nebe gratuitu ho pakote Apache, MySQL ho PHP ho nia tamanho nebe kiik. Download iha ne'e: http://www.uwamp.com/en/?page=download
- Openfire mak servidor ba chat bazeia ba protokolu XMPP (Jabber) nian, software/programa ne'e gratuito (open source). Bele download iha ne'e: https://www.igniterealtime.org/downloads/
- Spark mak aplikasaun nebe atu uja ba chat nian, bele download iha ne'e: https://www.igniterealtime.org/downloads
- Java, importante mak tenki instala Java iha komputador/Lap nebe ita atu servisu ba ne'e, tanba Openfire&Spark dependente ba JAVA, karik Java seidauk instala iha komputador ne'e, programa sei la la'o. Download ho instala Java iha ne'e: https://java.com/download/
- Kria database ba Openfire
- Komputador sira nebe atu tama iha chat ne'e tenki iha rede (network) nebe hanesan, iha LAN (Local Area Netowrk) ida ka, uja rede Wireless ida.
Ba se mak atu bele implementa?
- Estudante, kria grupu hodi halo komunikasaun entre kolegas iha sala laran ka liur.
- Grupu, ba grupu ka komunidade ruma bele kria hodi fasilita ita hodi komunika entre partisipante iha grupu ne'e.
- Reuniaun ka enkontru. Bele fasilita patisipiantes sira atu bele komunika ba malu durante reuniaun privadu ruma.
- Estuda hamutuk, fahe arqivu ba malu, no karik bele mos halo video conference or conference call.
- Kominikasaun sira ne'e privadu no seguru, informasaun hotu sei rai ba iha servidor nebe instala Openfire nee ba.
Prosesu 1 | Instalasaun UwAmp no kria database Openfire nian.
Antes atu instala servidor Openfire, tenki instala lai UwAmp hodi bele kria base de dados (database) ba Openfire nian. Double click iha arkivu UwAmp nebe download tiha ona no halo tuir prosesu hanesan instalasaun normal. Tuir mai prosesu instalasaun UwAmp ho konfigurasaun ba baze de dadus (database)
 |
| 1. Klik iha botaun 'Next' (Hanoin hela nia destinu ba instalasaun, normalmente iha (c:\UwAmp)) |
 |
| 2. Prosesu instalasaun hotu klik iha botaun 'Close' hodi termina |
 |
| 3. Ba fali iha diretoriu instalasaun UwAmp nian (c:\UwAmp) no ezekuta (double click) iha UwAmp |
 |
| 4. Nia status sei running automatikamente desde ita loke UwAmp, karik la run klik iha botaun 'Start' |
 |
| 5. Klik iha botaun 'MYSQL Config' hodi hare password default ba MySQL nian |
 |
| 6. Hanesan iha imajen ne'e user: root ho password: root (NB: keta haluha troka password iha koluna kraik ne'e |
Related Article
 |
| 7. Klik iha botaun 'PHPMyAdmin' hodi kria database ba openfire nian |
 |
| 8. Iha pajina ne'e ita sei halo login ho user&password nebe ita hetan iha passu 5 leten ne (user:root | password:root) |
 |
| 9. (1. Klik iha menu 'Base de Dados'), (2. prense naran database, ex: openfire), (3. Prense hotu klik iha botaun 'Criar') |
 |
| 10. Klik fali iha menu 'Previlegios' no tuir mai klik iha opsaun 'Add new account' |
 |
| 11. Prense informasaun (ex: username: openfire; hostname=local:localhost; password; hotu tiha klik iha opsaun 'Check all' |
 |
| 12. Prense hotu muda tun mai kraik liu hodi klik iha botaun 'Executar' |
 |
| 13. Database iha ona, agora muda fali ba leten hodi exit, hanesan imajen leten ne'e! |
Agora ita susesu ona kria base de dados (database) ba openfire nian, hanesan tuir mai ne'e:
Database host: localhost
Database name: openfire
User: openfire
Password: openfire
Informasaun ne'e mak orsida ita atu prense ba iha prosesu instalasaun ba servidor openfire nian. Keta haluha klik iha link Parte 2 nian ne'e hodi halo tuir prosesu instalasaun ho konfigurasaun ba openfire nian.
Kontinua.... 👉Parte 2
