Bemvindu mai iha projetu parte 3 husi IM server nian, karik seidauk lee prosesu husi anterior nian, bele lee lai iha ne'e: Parte 1 & Parte 2 antes atu lee iha Parte 3 ne'e. Iha projetu Parte 3 ne'e ita sei halo instalasaun ho konfigurasaun iha kliente uja Spark. Spark mak aplikasaun nebe uja hodi halo kominikasaun entre utilizador/users, hanesan haruka mensajen, halo voice call, iha probabilidade atu halo video call, maibe ho tutorial ketak. Spark mos hanesan Openfire, gratuitu ka Open Source, ita bele download no uja ho livre, projetu husi Ignite Realtime nian.
Requerimentus ba Spark:
- Download Spark: klik iha ne'e
- Sistema Operativu: Windows, Linux, MAC
- Java
- Iha ligasaun ida, LAN ou wireless.
Tuir mai prosesu instalasaun ho konfigurasaun Spark iha kliente. Karik hare imajen la mos, bele klik iha imajen hodi fo sai iha dimensaun boot.
 |
| 1. Double click hodi halo instalasaun ba iha Spark nebe download tiha ona |
 |
| 2. Klik iha botaun 'Next' |
 |
| 3. Hein prosesu instalasaun hotu |
 |
| 4. Hili/vistu opsaun 'Run Spark' depois klik iha botaun 'Finish' hodi termina instalasaun no loke Spark |
 |
| 5. Prense tuir informasaun nebe iha, hanesan iha imajen ne'e: Username: teste Password: teste1 Domain: desktop-hd32n6tDepois klik iha botaun 'Login' Dala barak, domain ne'e la lao, karik iha rede nebe laiha join domain, fasil liu mak domain uja fali IP husi servidor Openfire ne'e nian. |
Related Article
 |
| 6. Kuandu login ho susesu, sei mosu hanesan janela iha leten ne'e. |
 |
| 7. Kik iha menu 'Contacts' depois hili 'Add Contact' |
 |
| 8. Hatama username nebe ita hatene, depois klik iha botaun 'Add' (ex: teste2) |
 |
| 9. Agora ita konsege aumenta/add utilizador ho naran 'teste2' no nia estadu sei pendente hela (pending) hein deit konfirmasaun husi utilizador 'teste2' |
Voila! Ita susesu ona kria ita nia servidor mensajen (IM Server), agora ita hein instala aplikasaun SPark ba iha kada utilizador nia Laptop.Komputador hodi bele halo login. Keta haluha kria tan utilizador iha manajementu Open fire nian (http://localhost:9090) hanesan iha Parte 2.
Too ba nee deit ita nia projetu konaba Kria grupu chat privadu uja Openfire, UwAmp & Spark. Karik iha duvida, sala ou sujestaun ruma, bele husik hela iha komentariu.
Abrasu!✋
