ONB atu fahe ituan informasaun konaba Teknolojia 4G. Karik maluk barak mak hatene ona saida mak teknolojia 4G, no mos uja tiha ona teknolojia 4G iha nasaun seluk, parese hatene ona nia lalaok no benefisiu mai ita ne oinsa? Hau hakarak fahe ba maluk sira nebe mak presija hatene se ba oin iha operador sira mak atu implementa teknolojia 4G karik keta konfujaun. No mos hau sei fo guia oinsa atu hatene telemovel nebe suporta ba teknolojia 4G.
Saida mak Teknolojia 4G?
Teknolojia 4G ka nia definisaun naruk (fourth generation) mak teknolojia nebe evolve ka hadia husi nia jerasaun anterior 3G (third generation) nebe fornese Internet ho velosidade lais no kualidade nebe diak, atu nune'e bele fasilita ita nia komunikasaun ke navegasaun ba Internet nebe lais, hanesan download/upload nebe lais, asiste video iha YouTube ho buffer nebe lais (ou bele dehan laiha buffer), optimiza servisu Live Streaming no seluk tan.
Bele lee liu tan konaba teknolojia 4G iha ne'e: https://en.wikipedia.org/wiki/4G
Bele lee liu tan konaba teknolojia 4G iha ne'e: https://en.wikipedia.org/wiki/4G
Ita hotu hatene katak Timor-Leste rasik seidauk iha teknolojia 4G nebe implementa husi operador sira, maibe ita fiar katak iha tempu besik ka ba oin operador sira ne'e bele fornese ka implementa teknolojia 4G, atu nune ita bele sente teknolojia moderno no inovativu hanesan mos nasaun seluk. Agora daun-daun ita so bele uja deit teknolojia 3G (UMTS) nebe implementa husi operador sira.
Bele lee liu tan konaba teknolojia 3G iha ne'e: https://en.wikipedia.org/wiki/3G
Bele lee liu tan konaba teknolojia 3G iha ne'e: https://en.wikipedia.org/wiki/3G
Ba se mak atu sente Teknolojia 4G?
Ita hotu bele uja teknolojia 4G. Maibe laos deit rona dehan operador nee fornese ona servisu 4G, entaun hau tenki sosa SIM card 4G ona. Lae! Keta ansi! Tenki hare lai fatores sira hanesan tuir mai ne'e hodi nune labele arepende iha ikus:
Related Article
- Primeiro mak ita tenki hatene ita nia telemovel ne suporta ona ba teknolojia 4G ka lae? Karik telemovel la suporta ka kompatibel ba 4G entaun ita sei labele uja teknolojia ne'e, maske ita nia simcard bele ona ba 4G.
- Segundo mak area kobertura. Area kobertura mak fatores importante ba ita atu asesu ba rede 4G. Se ita iha ona simcard 4G no telemovel nebe suporta 4G mas ita hela iha area nebe la iha kobertura ba rede 4G, entaun ita sei la bele uja teknolojia 4G. Tan ne'e antes atu muda no sosa simcard 4G, husu lai informasaun iha operador ne'e nia servisu atendimentu (call center) (Hanesan Timor Telecom=172, Telkomcel=123 no Telemor=*188#) hodi husu informasaun kona ba area kobertura nebe ita hela ba nia kobre ona rede 4G ka seidauk? Atu nune ikus mai iha buat ruma nebe la los keta fo sala ba operador sira.
- Terceiro, husu ba operador konaba ita nia modelo ka marka telemovel nia ne'e bele uja ba rede 4G sira nian ka lae?
- Quarto, husu ba operador, sira nia rede 4G uja banda ida nebe no nia frequensia hira? Exemplo: 3(1800)/lee: Banda 3 iha frekuensia 1800Mhz.
- Ba telemovel android (Samsung, Oppo, Nexus, HTC, nsst) bele ba iha menu: Settings>Mobile Networks>Network Mode, depois hili LTE/4G. Karik Opsaun ne'e laiha, signifika ita nia telemovel la suporta ba 4G.
- Ba iPhone (iOS): Settings>Cellular>Voice & Data, depois hili LTE/4G
Karik laiha opsaun ba 4G/LTE, signifika tenki sosa telemovel foun nebe bele suporta ba rede 4G, maibe antes atu sosa tenki halo tuir tips iha kraik ne'e:
- Deside telemovel ida nebe ita atu sosa tuir ita nia gostu no mos depende ba budget/osan nebe ita iha, tanba bain-bain telemovel sira nebe suporta ba 4G ho folin nebe karun ituan.
- Kuandu iha ona hanoin ruma konaba telemovel nebe ita atu sosa, tuir mai ita presija hare nia espesifikasaun konaba ba telemovel nia kompatibilidade ba teknolojia 4G ne'e rasik. Tan ne'e bele tama iha website ne'e: http://www.gsmarena.com/
- Hatama nia modelu telemovel nebe ita atu sosa, no hare nia espesifikasaun hanesan iha ejemplu kraik ne'e. Hau uja SAMSUNG Galaxy J2 hodi hare espesifikasaun iha website gsmarena:
 |
| 1. Hakerek iha 'Search' telemovel nia modelu/marka kompletu |
 |
| 2. Hili iha lista nebe mosu (ex: Samsung Galaxy J2) |
 |
| 3. Karik iha opsaun "LTE" entaun klik iha "Expand" parte "Network" nian |
 |
| 4. Hare Banda nebe iha hanesan referensia ba frekuensia husi operador. |
- No mos ONB prepara ona link atu hare lista telemovel sira nebe review iha website GSMARENA ona atu uja ba teknolojia 4G, bele sai hanesan referensia antes atu sosa, lista telemovel sira ne'e hanesan lista jeral nebe inklui marka kunyesidu sira disponivel iha merkadu Timor-Leste hanesan: SAMSUNG, Apple (iPhone), ZTE, nsst. Atu hare lista sira ne'e bele klik iha ne'e: Lista telemovel nebe suporta ba teknolojia 4G
Mak ne'e deit revizaun kona ba teknolojia 4G, karik iha duvidas ou sala ruma ka hakarak hatene liu tan, bele husik hela iha komentariu.
Cheers! 👀
