UwAmp: mak aplikasaun Wamp (Windows Apache, MySQL, and PHP) nebe gratuita hodi bele hari hosting ida iha Windows.
Hanesan belun sira hatene, wainhira atu hari website (sitiu) ida presija hosting iha fatin ruma. Fatin hosting nemak fatin ida nebe mak rai ita nia website/sitiu hodi bele fo sai konteudu ba publiku/Internet.
Saida deit mak presija atu hari servidor hosting?
- Sistema Operativu: Linux, Windows, MAC
- Software ba Serivodor hosting nian: Apache, Nginx, PHP, Mysql, nsst
- Ligasaun Internet 24/7
- Energia eletrisidade nebe sempre moris/lakan oras 24 nia laran.
Ne mak revisaun badak kona ba lalaok hosting nian. Tuir mai ita tama ba deit oinsa atu halo hosting iha windows.
Saida mak ita presija:
- Sistema operativu: ONB uja Windows 10
- Aplikasaun Servidor: ONB uja bundle (pakote) nebe oferese husi UwAmp
- Website/Sitiu: ONB uja uluk HTML normal
- Rede: uja be ligasaun internal/lokal deit
Download UwAmp
Fitur husi UwAmp nian mak:
- Apache 2.4.18 (with SSL)
- MySQL 5.7.11
- PHP (5.6.18 / 7.0.3) with Xdebug 2.4.0rc4
- PHPMyAdmin 4.5.4.1
- SQLite Browser 1.3
- Xdebug client 1.0b5
Download Link:
- Antes instala UwAmp, tenki instala uluk Visual C++ Redistributable x86 version vc_redist.x86.exe. Download iha link ne'e: PHP7.2
- Download UwAmp: Installer EXE | RAR | Portable (La presija instala)
- Download Ejemplu HTML ba teste website: SampleWeb
Detail ba download UwAmp bele vizita iha sitiu ofisial iha ne'e: https://www.uwamp.com/en/?page=download
Boa, rekursu kompletu hotu ona, ita hakat liu ba pasu tuir mai
Instala UwAmp
Belun sira bele instala uja Installer, maibe iha tutorial ida ne'e ONB uja deit portable, tan nee la presija instala UwAmp ba komputador, basta extract deit file ne'e, no bele ejekuta kedas.
Extract UwAmp
Extract UwAmp nebe belun download ona, depois muda ba iha disku C:\
Depois loke folder UwAmp, klik dala 2 iha UwAmp.exe hodi hahu aplikasaun
Bain-bain kuadnu ejekuta ona programa, nia service sei START automatika, maibe karik la START automatika, bele klik iha botaun START hodi halo moris servisu (Apache ho MySQL).
Kuandu servidor lao ona, sei mosu hanesan iha imajen kraik ne'e:
Depois Klik iha 'Folder www' hanesan iha imajen kraik ne'e:
No sei mosu hanesan iha kraik ne'e:
Extract file ZIP html nian:
Related Article
Muda diretoriu/folder:
Ba iha diretoriu/folder C:\UwAmp\www\
Hanesan iha imajen kraik ne'e:
Boa, agora website prontu ona, tuir mai ita hein asesu ba iha http://localhost/landing
Prontu, website lao ona iha makina lokal (localhost). Too iha ne'e ita bele dehan ita iha ona website nebe bele ona halo hosting ba iha domain nebe rejistu ona, hodi bele loke ba publiku.
Vantajen uja UwAmp
Vantajen nebe iha mak:
- UwAmp mai ho pakote aplikasaun servidor kompletu hanesan: Apache, MySQL, PHP, SQLite
- Uja portable: La presija instala, bele uja iha USB/Flash Drive, no bele ejekuta iha kualker komputador
- Nia kaman, alias mai ho size la too 100MB
Mak ne'e deit tutorial kona ba WebHosting iha Windows ho UwAmp. Iha tutorial tuir mai ita sei aprende kona ba virtual host, para ita la presija hakerek http://localhost/landing, maibe bele konfigura ho hostname rasik ejemplu: http://landing.com.
Karik iha duvida ka sujestaun ruma, keta haluha husik hela komentariu!
Abrasu,
