Ola belun sira, iha post ne ONB hakarak fahe ba belun sira oinsa atu halo gravasaun uja Software REAPER. Karik iha belun sira balun nebe seidauk iha software DAW Cockos Reaper, bele download iha post ne'e: Cockos Reaper 5.962
Hanesan iha post dahuluk, esplika tiha ona katak REAPER hanesan aplikasaun/software ida nebe fasilita ita atu halo gravasaun, kria muzika, edit muzika, no produz muzika ho qualidade nebe diak.
Maibe atu hetan kualidade audio gravasaun nebe diak, presija mos suporta input ka aparelu nebe uja ba gravasaun hanesan MIC, atu nune bele produz audio nebe kualidade diak hodi bele tau ba iha produsaun.
- Computador
- DAW: Cockos REAPER 5.xx
- MIC
- Fatin nebe silensiu (dok husi barulu)
Tutorial
- Loke software Reaper hodi prepara halo gravasaun.
- Depois ba iha menu : Options > Preferences... hodi konfigura input ba MIC nebe ita uja atu halo gravasaun, hanesan imajen iha kraik ne'e, depois klik iha botaun 'OK'
- Kria Track foun, liu husi klik liman los (Right Click) iha Instrument Panel, no hili 'Insert new track' hanesan iha imajen kraik ne'e:
- Depois hili Input iha track foun: Klik iha triangulu kik>Input: Stereo>Left / Right, hanesan imajen iha kraik ne'e:
- Agora halo moris Track foun ne'e liu husi klik iha botaun power iha track nia ninin karuk hanesan iha imajen kraik ne'e:
- Koko teste MIC hodi hare karik iha input ne'e bele simu ona sinal husi MIC ne'e ka seidauk, liu husi hare metrazen iha Track nia ninin hanesan iha imajen kraik ne'e:
- Prontu, ita hetan ona sinal husi MIC, agora ita prontu ona halo gravasaun, liu husi buti iha botaun 'Record' kabuar mean iha kraik, no gravasaun sei lao, karik atu para, hein buti fali iha botaun mean gravasau ne'e.
- Ita bele aumenta track barak, ejemplu: Track primeiru ba Guitar, Track segundu ba Voice, Track terseiru ba Baixo, no seluk tan. Pasu atu kria track foun hanesan deit ho dia ita foin kria ne'e. Maibe kuandu atu halo gravasaun, presija hamate tiha track seluk, no so halo moris deit track ida nebe ita atu grava ba.
- Ikus liu keta haluha rai/save ita nia projetu liu husi: File>Save
Mak ne'e deit tutorial konaba gravasaun iha Reaper. Keta haluha vizita nafatin, tanba tutorial tuir mai ita koalia kona ba mixing ba gravasaun ne'e.
Related Article
Abrasu,
ONB
Related Article
