FileZilla Server mak servidor FTP nebe suporta ho seguru liu husi 'FTP over TLS' atu nunee movimentu dadus lao ho seguru ka enkriptadu.
FTP ka File Transfer Protocol maka maneira nebe ita uja hodi transfere ka foti arkivu liu husi Internet (online) ka ligasaun lokal (Intranet).
Ezemplu, iha servisu fatin, sempre iha ligasaun LAN (Local Area Network) nebe iha komputador barak mak liga ba malu hodi kria rede interna/lokal. Ho modelu ida ne'e ita bele aproveita hodi implementa Servidor FTP rasik atu nunee bele fasilitia ita hodi transfere dados liu husi rede nebe iha.
Benefisiu saida mak ita hetan husi hari rasik servidor ne'e?
- Fasilita ita atu kopia dadus ho lais
- La presija uja USB atu kopia dadus nebe iha
- Dok husi virus, tanba ita la presija tuu USB ba
- Seguru, dados nebe sirkula enkriptadu, bele dehan, dadus sira nee labele hare husi utilizador sira seluk.
- Fasil atu implementa
Tutorial
Rekerimentus
- PC ho sistema operativu Windows (7,8, 8.1, 10) bele 32bit ka 64bit
- Download FileZilla Server iha ne'e: Recommended
- Download FileZilla Client hodi liga ba servidor (instala ba PC sira nebe presija): FileZilla Client
Instalasaun
Depois download FileZilla Server hotu, tuir mai instala liu husi klik dala rua iha FileZilla_Server-0_9_60_2.exe hanesan iha imajen kraik ne'e:
Pasu tuir mai hein klik iha botaun 'Next' deit:
Klik nafatin iha botaun 'Next':
Husik deit hanesan ne'e, klik iha botaun 'Next':
Se karik hakarak muda nia port, bele muda iha ne'e, maiba see la presija husik uja nafatin hanesan ne'e, la presija muda buat ida, klik deit iha botaun 'Next':
Tuir mai hein klik iha botaun 'Install' hodi hahu instalasaun:
Hein prosesu instalasaun hotu, depois klik iha botaun 'Finish':
Tuir mai hein klik iha botaun 'Connect' tanba ita uja pc ida agora ne'e:
Sei mosu hanesan iha imajen kraik ne'e, to'o iha ne'e servidor FTP prontu ona. Pasu tuir mai mak ita hein kria utilizador (user) ho hili pasta/diretoriu nebe ita atu partilha/fahe.
Agora ba iha menu 'Edit' klik iha 'Users' hanesan iha kraik ne'e:
Iha meniu 'General' klik iha botaun 'Add' hodi aumenta utilizador:
Hakerek naran utlizador nian no klik iha botaun 'OK':
Klik iha menu 'Shared folders' hodi hili pasta nebe ita atu fahe ba utilizador nebe ita foin kria iha leten ne'e:
Hili pasta hanesan iha imajen kraik ne'e:
Related Article
Ba fali iha menu 'General' depois halo moris opsaun 'Password' para kria password ida ba iha utlizador nebe ita kria ona ohin ne (hanesan iha ejemplu 'public'), depois klik iha botaun 'OK', halo tuir hanesan iha imajen kraik ne'e:
Prontu, konfigurasaun iha parte servidor nian hotu ona, agora ita hein instala FileZilla Client hodi bele liga ba FileZilla Server atu bele hahu transfere dados. Hanesan iha leten, servidor nebe instala FTP ba mak 'localhost' PC ne'e rasik, user mak: public; no nia password nebe ita defini ona. Prense hotu hein klik iha botaun 'Quick Connect'. Iha numeru 2 ne'e ita hili pasta nebe ita atu transfere dados mai, bele hili Desktop para ita buka bele hetan lais.
Bele mos uja IP ba iha PC ne rasik hodi tau ba hostname, karik lahtene oinsa atu hare IP iha PC, bele ejekuta komandu 'ipconfig /all' iha 'command line' hanesan iha kraik ne:
Karik konesaun susesu nia sei mosu hanesan iha imajen kraik ne'e, iha riska mean ne'e pasta nebe ita fahe ona ba iha utilizador 'public' ne'e, karik hakrak transfere, hein klik liman los deit ba iha arkivu sira nebe riska mean ne, pois hili opsaun 'download' hodi hahu transeferensia:
No iha parte servidor 'FileZilla Server' mosu log hanesan iha kraik ne'e. Kada transerensia dados nebe halo iha utilizador sira nebe ita aumenta ona, sei mosu log iha ne'e.
To'o ba ne deit tutorial kona ba kria Servidor FTP rasik iha Windows, karik iha duvida ruma bele husik hela iha komentariu.
Obrigado
ONB
