Iha esperiensia mai hau rasik wainhira uja komputador ba loron-loron nian sempre hasoru problema oin-oin. Iha problema ida nebe hau atu koalia agora mak SPYWARE. Ita bot sira babain kaundu loke browser atu asesu internet derepenti varanda/home husi browser (Chrome, Firefox, Internet Explorer, nsst) muda an rasik ba iha sitiu ka domain seluk, afinal ita sedauk browsing buat ruma. Ka dalaruma ita uja hela internet mosu pop-up (janela box deskunyesido) oin-oin hodi taka tiha website nebe ita uja dadaun.
Ne hatudu katak ita nia komputador hetan ka kona ona SPYWARE, tan ne, labele husik deit, tenki hamos lalais. Maibe tenki toma nota katak SPYWARE laos VIRUS, tan ne'e antivirus normal sei la detekta SPYWARE, no sei la rekunyese hanesan virus.
Ho ida ne'e, ita presija programa/aplikasaun ida nebe bele halo nia servisu ba ida ne'e. Iha ne hau prefere ba maluk sira atu uja MBAM (Malwarebytes Anti-Malware). No nia bele responde ba ita nia preokupasaun sira. Hau fiar 100% sei hamos Spyware husi ita nia komputador no sei fo seguransa maximu ba ita nia komputador wainhira ita halo asesu ba internet.
Saida deit mak nia sei halo ba ita:
- Sei detekta no proteje hasoru malware.
- Halo blok ba tentasaun husi hacking ho phising.
- Halo horariu automatiku hodi halo scan ba komputador.
- Oferta flexibilidade 3 ba modo scan.
Info:
- Instala software
- hamate temporariu Antivirus
- uja keygen hodi halo ativasaun
- halo moris fali Antivirus
- no halo update ba database.
