Loron diak! Ohin ONB atu fahe tan tips ida konaba oinsa atu download aplikasaun android la liu husi Google Playstore. Uluk ONB post tiha ona tips nebe hanesan, maibe ho maneira seluk iha link ne'e.
Ohin loron ONB atu fahe ba belun sira ho maneira seluk ne'e mak liu husi servisu APK PURE.
APK Pure mak hanesan servisu ida nebe fasilita ita atu download aplikasaun android nian (APK) la liu husi Playstore.
Nusa mak ita tenki download liu husi maneira ne'e?
Hanesan ita hotu hatene ona, kada telemovel nebe ho nia sistema Android mai ho servisu Playstore hodi fasilita ita hodi download aplikasaun ka jogos favoritus hodi instala ba ita nia telemovel. Maibe iha difikuldade barak hanesan tuir mai ne'e:
- Iha aplikasaun barak mak seidauk loke/lansa/la permite ba Tmor-Leste
- Presija autentikasaun ita nia email hodi bele login ba Playstore
- Defisil atu fo sai lolos aplikasaun nebe ita buka (search).
Vantajen husi APKPURE!
Ho difikuldade sira iha leten ne'e mosu hanoin ho maneira seluk hodi ajuda ita atu bele download aplikasaun ka jogos ruma ho fasil liu tan, liu husi apkpure. Ita uja apkpure la presija halo login hodi download aplikasaun, maibe bele download diretamente ba telemovel.
Oinsa atu uja?
 |
| 1. Visita diretamenta nia website 👉https://apkpure.com/ |
 |
| 2. Buka (search) aplikasaun nebe ita atu download (ex: "whatsapp") |
 |
| 3. Klik iha 'Read More' |
 |
| 4. Klik iha botaun "Download" hodi download aplikasaun. Depois transfere ba telemovel hodi halo instalasaun hanesan normal. |
Related Article
Sei iha maneira barak hodi bele hetan aplikasaun Android nian (APK), maibe ONB sente APKPURE mak simples no fasil ba ita atu uja!
Have a nice day fella!👦
![Top 5 Android Emulators [Review]](https://blogger.googleusercontent.com/img/b/R29vZ2xl/AVvXsEjMzPXPzDj9UWduy_3knQkV9RWq4MjBXkXUPIkHZe34uzW8eu7U9JWO11mEkNBT3guTDugmuOqr-USRoGao6fKwNqkMQSnlA_7IegGTO57WmyhY4TpYFX9xJrGhL5PhddIbVHKqbyvMnXU/s1600/BlueStacks.jpg)
