RING alternativu ba Skype

Hanesan ita hotu hatene tiha ona no esperensia tiha ona uja Skype hanesan meios de komunikasaun entre familias, kolegas, ka ema nebe besik ita liu husi manda mensajen, halo chamada de voz (voice call), ho chamada de video (video call). Maibe ikus-ikus ne'e iha rumores barak mak espalha ona katak Microsoft halo espionajen liu husi Skype atu hodi kontrola ita nia komunikasaun hanesan chat, voice call ho video call. Tan ne'e hanesan utilizador ita sempre kestiona ka tauk liu ba ita nia privasidade no ida ne'e sai hanesan problema boot ida ba ita. Bele lee liu iha ne'e hodi hatene konaba Nasa ho Microsoft servisu hamutuk hodi bele kontrola ita nia komunikasaun.

Tan ne'e, ho oportunidade ida ne'e ONB hakrak fahe ba maluk sira alternativu seluk hodi ajuda ita halo komunikasaun sem kontrolu husi ema seluk, no servisu ne'e gratuita/livre (open source), ne'e mak RING.

RING hanesan software ka programa alternativu ba Skype hodi ajuda ita halo komunikasaun ho seguru. Mensajen nebe ita manda sei la rai iha servidor ruma, maibe mensajen sira ne'e transmite diretamente entre utilizador nia computador ka telemovel.

RING bele uja iha: Microsoft Windows, MacOS, Linux, ho Android