Pakote Combo Business Internet Timor Telecom nebe sempre ILIMITADU!

Ola! boa tarde belun sira, iha ne'e hau hakarak fahe ituan solusaun ba Pakote Internet Ilimitadu bazeia ba esperensia nebe durante ne'e hau hetan ka uza.

Iha biban ida ne'e hau atu fo hatene ba belun sira katak bazeia ba tabela presu Internet nebe fornese husi operador Timor Telecom, hau iha tips oinsa atu bele asesu Internet Ilimitadu no mos bele download rekursu ruma ho lais liu husi rede 4G.

Hanesan iha titulu, pakote ne'e spesial liu ba Business, tanba ho nia kombinasaun presu nebe ita bele dehan karun ituan. Iha tempo tuir mai, hau sei fahe tips asesu Internet nebe adekuadu ba estudante sira (Data, Voice ho SMS).

Too data ohin (29/06/2020) pakote ne'e sei validu ka laiha mudansa.

Pre-rekizitus:

Telemovel nebe bele suporta rede 4G

Telemovel ne'e ita bele dehan hodi bele asesu Internet iha ita nia telemovel durante 24 horas
Asesu ba media sosial
Streaming: YouTube, Netflix, Facebook Live, nsst
Online game: PUBG, Free Fire, nsst
Bele mos tathering ba PC/Laptop
Nia uza Simcard 1

Modem wireless ka Pen nebe bele suporta 4G

Modem ne'e uza ba hodi fornese Internet ILIMITADU durante horas kalan nian (00:00 - 08:00)
Uza hodi download: Torrent, file nebe ho kapasidade boot
Labele uza ba loron
Labele ativa tan pakote/campanha seluk iha modem ida ne'e. So server ba campanha ida deit

SIM card Timor Telecom nian 2 (rua)

SIM rua ne'e tenki suporta hotu rede 4G
SIM 1 uza ativa pakote Internet iha telemovel hodi uza durante 24 horas, maibe nia QoS (Quality of Service) depende ba utilizasaun ne'e rasik. Kompletu liu hare iha diagrama kraik ne'e.
SIM 2 uza ba ativasaun pakote Internet ILIMITADU ba iha modem 4G.